Umthetho wokugcinwa kwemfihlakalo

Umthetho wokugcinwa kwemfihlakalo lo (“Umthetho wokugcinwa kwemfihlakalo”) uchaza ukuthi ulwazi luqoqwa njani ngabe Audere, inhlanganiso engaso yokwenza imali (“Audere”, “thina”) lokuthi siqoqa, sisebenzise, sigcine, sicubungule, sidlulisele phambili sivikele ulwazi olukhomba umuntu njengokuqondiswa esikwenziwa yimithetho yokuvikela ulwazi eselizweni lapho esipha khona inhlelo zethu. Umthetho wokugcinwa kwemfihlakalo usebenza lapho sikhangele ulwazi esiluqoqayo ngama application lama chatbot ethu (ama mobile kumbe amanye nje) agcinwa ngabe Audere (okuthwa ngama “Apps”) Lokhu kugoqela ukuthunyelwa kwemilayezo exhumene lama Apps lezinye nje inhlelo ezihambelana lalokhu (esikubiza konke sisithi “zinhlelo”).

1. Isivumelwano

Ngicela ubale kuhle umthetho wokugcinwa kwemfihlakalo lowu. Ngokusebenzisa I website, ama Apps kumbe inhlelo, uyavuma ukuthi uleminyaka engu 16 kusiya phezulu njalo uyavuma futhi uyamukela yonke imithetho lakho konke okuchasiswe emthethweni wokugcinwa kwemfihlakalo. Nxa uleminyaka engaphansi kwe 16 kuzamele uthole imvumo esuka kumzali wakho kumbe lowo okugcinileyo ukuthi uqhubeke usebenzisa I app le kumbe inhlelo eziyinikayo. Nxa ungavumelani lakho kumbe ungakhululekanga ngokunye okungabe kumunyethwe kumthetho wokugcinwa kwemfihlakalo kumele ume ngokuphangisa ukusebenzisa inhlelo zethu.

2. Ukuqoqwa kolwazi

Ukuvikela okuyimfihlo kwakho kumqoka kithi. Siqoqa ulwazi ukuthi sisuthise Isidingo sakho esenza wafisa ukusebenzisa inhlelo ze Audere.

Ulwazi osipha lona ngokuthanda kwakho

i. Ulwazi olungakukhomba wena ngqo. Nxa ungasebenzisa inhlelo ze Audere, singaqoqa ulwazi olukhomba wena mangqamu, okunjenge Kheli yakho lokuthi singaxhumana lawe njani (okunjengenombolo zakho zocingo, I email, ibizo lokunye).

ii. Ulwazi mayelana lempilakahle yakho. Ulwazi oluphathelane lokugula ongabe ukwenza, lolunye nje ulwazi oluphathelane lempilakahle yakho, ukuthatha izithombe ezilokwenza ngesimo sakho sempilakahle, lolunye nje ulwazi olubhala kuluhlu lwembuzo ebuzwayo kumbe kwezinye nje indawo ngesikhathi usebenzisa inhlelo zethu.

iii. Ukunakekelwa kwalabo abaphathekayo. Ungaxhumana leqembu lalabo abasiza abasebenzisa inhlelo zethu kumbe ukhulume lathi mayelana lenhlelo zethu, siyaqoqa ulwazi ukuze silandelele besesiphendula ongabe ukubuzile; sicubungule ukuthi akula kwephulwa komthetho wokugcinwa kwemfihlakalo yini, kumbe eminye nje imithetho ehlangene lalokhu; besesikucubungula ukuthi sithuthukise inhlelo zethu.

Ulwazi oluphathelane lokungena kuhlelo lokusetshenziswayo

Siyaqoqa ulwazi ngokungena kwakho usebenzisa ama Apps e Audere, kugoqela ukuthi uyisebenzisa ngaziphi izikhathi, ukuthi uvula waphi amapheji, le IP address yakho. Siyaqoqa futhi ulwazi ngokuthi usebenzisa I smart phone enjani ukufinyelela ama Apps e Audere kuhlanganisela ibizo lalabo abenza ifoni yakhona, ukuthi isebenzisa ziphi inhlelo ukuthi isebenze, lokuthi yi version yiphi, okunye nje okwenza yehlukane lamanye amafoni lokuthi usebenzisa yiphi I network.

Ama Apps ayasebenzisa indlela ama smart phone asebenza ngayo kuhlangene lendlela inhlelo eziphiwa ngayo. Ama Apps angasebenzisa lokhu okulandelayo okutholakala kuma smart phones:

Ikhamera: Iyafuneka ukuthi ithathe izithombe zempumela yenhlolisiso. Isithombe lesi siyenziwa ukuthi singabonakali ukuthi ngesikabani sisetshenziswe ukwenza isiqiniseko sokuthi inhlolisiso isebenze kuhle njengokukhangelelweyo. Izithombe zingagcinwa ukwenzela ukuthi zicuntshungulwe.
Indawo lapho okhona (GPS Location): Ungavuma ukuthi sibekwazi ukuthi ungaphi kwendawo, ama Apps asengathatha ulwazi olokukwenza ngohlelo lwe GPS olusefonini yakho, okusinika ulwazi olungakuveziyo wena kodwa olokokwenza ngokuthi ama Apps asetshenziswa ngaphi kwendawo.
Izaziso (Notifications) Ukuze uphoqeleke ukuthi uqale ukwenza okuthile sikhangele injongo yakho yokusebenzisa inhlelo ze Audere
Eminye imihlobo yolwazi

Sihlezi sisebenza ukuthi sithuthukise inhlelo zethu sikhangela okutsha esingakunika abantu, ama applications lokunye nje esingakusebenzisa ukuthi senelise ukuqoqa ulwazi olutsha olwehlukeneyo. Sizabe sitshintsha singezelela okunye emthethweni yethu yokugcinwa kwemfihlakalo nxa kudingakala.

3. Indlela esisebenzisa ngayo ulwazi lwakho

Sisebenzisa ulwazi esiluqoqayo ngendlela esichaze ngayo kumthetho wokugcinwa kwemfihlakalo leyi. Ukusetshenziswa kwolwazi esiluqoqayo konke kweyeme kusivumelwano osenzileyo wena njengomsebenzisi wenhlelo. Ungamisa isivumelwano osenze le Audere ukuthi isebenzise ulwazi lwakho noma ngasiphi isikhathi ngokuxhumana lathi ku privacy@auderenow.org, kodwa, ukususa kwakho isivumelwano esibhalwe phansi akusoze kuphazamise ukucubungula ulwazi lwakho ngokusemthethweni kugxile kusivumelwano esasenza lawe ungakasimisi.

Ukusuthisa injongo enze wasipha ulwazi lwakho

Sisebenzisa ulwazi esiluqoqayo ukupha inhlelo zethu. Imisebenzi le ingahlanganisela ukusebenzisa ulwazi ukwenza okulandelayo:

i. ukuxhumana lawe, senze lokho osicele khona;

ii. senze wenelise njalo sithuthukise indlela osebenzisa ngayo ama Apps, kuhlanganisela ukufakazela ukusivakatshela kwakho, lokulandela indlela osebenzisa ngayo inhlelo zethu;

iii. sixhumane lawe ngendaba ze account yakho, lolunye nje ulwazi olumqoka ngenhlelo zethu (okunjengokuguqulwa kwemithetho kumbe ama policy, ukuthuthukiswa kwendaba zokuvikeleka lokunye nje)

iv. Ukukhangela, sinanzelele, ziphendle futhi sivikele ukwenziwa kwezinto ezingekho emthethweni kunhlelo zethu ukuze sivikela ingozi eziphathelane lokuvikeleka.

v. Ukwenza uxwayisiso kodwa ulwazi lwakho luvikelekile njalo lungasoze lwabelwe abanye abantu abangasomalunga eqembu labaxwayisisi bethu.

vi. Nxa kudingeka sigcine ukuthi sikusebenzise ukwenza uxwayisiso kumbe ukulungisa ezomthetho; njalo

vii. senze okunye nje loba yikuphi owakuchasiselwayo ngesikhathi ulwazi lwakhona luqoqwa.

Ukucubungula futhi sithuthukise inhlelo zethu

Sisebenzisa ulwazi esiluqoqayo ukuthi senze uxwayisiso njalo sithuthukise inhlelo, okungagoqela njengomzekeliso, ukucubungula I data loxwayisiso ukuze sibumbe kumbe sithuthukise izinto kumbe inhlelo ezintsha, senelise ukwenza imisebenzi encedisa ukuthi siphe inhlelo ezilohlonzi.

Ukupha abasebenzisa inhlelo usekelo

Ungaxhumana lathi, singasebenzisa kumbe sicele ulwazi ngawe, kuhlanganisela ulwazi ngempilakahle yakho, njengokudingeka kwalo ukuthi siphendule imbuzo olayo, silungisise ukungazwani, sicubungule futhi inkinga kumbe izikhalazo.

4. Ukwabelana ulwazi

Singaveza ulwazi oluphathelane labasebenzisa inhlelo zethu, kodwa ulwazi lolu luyabe lungakhombi umuntu ngqo. Ukwengeza, uyavuma ukuthi silelungelo lokuveza ulwazi ngawe esiluqoqayo kumbe osiphe lona:

Abanye abapha inhlelo bengamaqembu azimele wodwa

Siyabelana ulwazi esiluqoqayo labanye abapha inhlelo abazimele bodwa, njengokudingeka ukuze benelise ukusuthisa indingeko yakho enze wakhetha ukusebenzisa inhlelo zethu. Abapha inhlelo esisebenza labo basebenza bemele thina. I Audere iyenza inhlelo igcine izivumelwano labaphi benhlelo munye ngamunye ukuvikela ukugcinwa kwemfihlo yolwazi lwakho.

Ukuhlanganisa ulwazi

Singabelana labanye abamaqembu azimele wodwa ulwazi oluhlanganisiweyo kumbe olungeke lokhombe umuntu olungasoze lusetshenziswe ukukuveza.

Njengokudingakala ngabomthetho

Kwesinye isikhathi kusiya ngokuthi kwenzakalani ulwazi ngawe solungacutshungulwa kulandelwa imithetho, iziqondiso, indingeko zikahulumende, ama waranti kumbe okunye esiphoqelwa ukuthi sikwenze. Sizagcina siveze ulwazi lonke kubaphathi bemithetho kumbe abanye nxa lokhu kudingeka ngabomthetho kumbe silokholo olweqiniso lokuthi ukugcina kumbe ukwabela abanye lokhu kuyadingeka ukuze: (a) silandele umthetho othile, kumbe indlela okuqhutshwa ngayo okuthile kwezomthetho (okunjengokuthonisiswa kwecala, ukuhamba kwezinto enkantolo, kumbe ukucubungula okwenziwa nguhulumende) kumbe okunye okumele sikwenze sikhangele ukusebenza ngendlela elobuntu, esemthethweni, sikhangele imithetho esebenza emsebenzini wethu lezinye izimiso; (b) siphoqelele amalungelo ethu sikhangele imithetho yendlela yokusetshenziswa lamanye ama policy; (c) siphendule labo abangabe besithi okunye okumunyethweyo kwephula amalungelo amanye amaqembu azimele wodwa kumbe (d) sivikele amalungelo, impahla, kumbe ukuphepha kwe Audere, abaqhatshwe yiyo, abasebenzisa inhlelo, ama clients lomphakathi.

Ukusiza sikhangele indaba zempilakahle kazulu.

Ukuze senelise ukuphendula njalo sisebenzelane labakhangele impilakahle kazulu kundaba zemikhuhlane esiphoqelelwa ukuthi siyibike kubo, I Audere kumele iqoqe yabele ulwazi lwakho labakhangele impilakahle kazulu. Ulwazi lolu luyabelwa abakhangele impilakahle kazulu ukuvikela ukumemetheka kwemikhuhlane/kumbe ukuvikela/kumbe ukwehlisa amathuba engozi sikhangele impilakahle yomuntu kumbe ukuphepha kwakhe.

Ukusekela ukwenziwa kwama bhizimusi

Nxa kungenzeka ukuthi Audere yenze ibhizimusi ethile enjengokuhlanganiswa leyinye inhlanganiso, kumbe ithengwe ngeyinye inhlanganiso, kumbe ithengise okunye kumbe konke elakho, ulwazi ngawe luzabe luphakathi kwezinto lezi ezizabelwa inhlanganiso le eyinye. Kungenzeka lokhu, ulwazi ngawe luzabelokhu lungaphansi komthetho lezithembiso ezenziwa kumthetho wokugcinwa kwemfihlakalo akade uvele ukhona.

5. Amanyathelo okugcina izinto ziphephile

I Audere iyenza okufaneleyo ngezenzo, ngokusebenzisa ubungcitshi, lokulungisisa ukuvikela ukuthi kungabikhona ongena ngokungekho emthethweni, kumbe ukuveza ulwazi lwakho, ukuze igcine idata yeqiniso, ukuze kube lesiqiniseko sokuthi ulwazi lusetshenziswa kuhle futhi sigcine ulwazi esiluqoqayo luphephile. SINGALIBALI LOKHU, UKUTHI AKULA DATA ELIHAMBA EBULENJINI (INTERNET) KUMBE NJE EMOYENI ESINGAPHA ISIQINISEKO SOKUTHI LIPHEPHILE NGOKWEQINISO. NGESIZATHO LESI,NOMA NJE SIZAYENZA KONKE ESIKWENELISAYO UKUTHI SIVIKELE ULWAZI LWAKHO SISEBENZISA UBUNGCITSHI OBUKHONA LOBUTHENGISWAYO, NGEKE SIPHE ISIQINISEKO SOKUVIKELWA KOLWAZI OSIPHA LONA, KUNGAKHO UKWENZA LOKHO UKWAZI INGOZI ENGABAKHONA.

Silungisa ama applications avikelekileyo. Siyasebenzisa imbono encedisa ukuthuthukisa ukuphepha kwama software ethu, kusukela lapho siqalisa ukuwenza size siyethutsha, futhi siyawahlola ukuthi alohlonzi yini lokuthi asebenziseka kuhle na.
Ukuvala ukuthi ulwazi ngolukabani (De-identification/Pseudonymization). Nxa idata isabelwa abanye esisebenzisana labo, ulwazi olukhomba umuntu mangqamu luyasuswa kulwazi lwezempilakahle yomuntu lwabelwe abanye lungasakhanyi ukuthi ngolukabani. Ulwazi olungasakhanyiyo ukuthi ngolukabani lukhonjwa ngenombolo nje eyabe iphiwe mahlayana.
Ukuvala ulwazi ukuthi lungabaleki (Encryption).
Sithatha amanyathelo okugcina ulwazi lomuntu luphephile ngokuluvala ukuthi lungabalwa ngumuntu nje sisebenzisa indlela evunyelwe kuma industry. Lokhu kusivumela ukuthi sifihle ulwazi lomuntu kuhlanganisela olwempilakahle yakhe lapho lungasetshenziswa lalapho lusetshenziswa.
Ukwehlukaniswa kwezindawo. Siyenza isiqiniseko sokuthi lapho sihlola, sibumba lanxa sisenza uxwayisiso (njengokudingakalayo ukuze kusuthise isizatho esikwenze wasipha ulwazi lolu) siyehlukanisa njalo ayisuye wonke umuntu owenelisa ukufinyelela ulwazi olusetshenziswayo kulokho esiyabe sikwenza ngesikhathi sinye ngasinye.
Ukubona ukuthi izisebenzi ezimqoka yizo kuphela ezenelisa ukufinyelela ulwazi. Izisebenzi ezivunyelweyo yizo kuphela ezenelisa ukubona ulwazi olukhomba abantu ngqo, lokhu kuya ngokuthi umsebenzi womuntu wakhona ngowani. Ukwenelisa ukungena Phakathi kwemitshina yethu ubone ulwazi kudinga ukuthi wenze into ezitshiyeneyo ukubonisa ukuthi uvunyelwe ukungena.
Ukubona ingozi lokuphathwa kobuthakathaka (Detecting threats and managing vulnerabilities). Silohlelo lapho umuntu enelisa ukuveza khona ubuthakathaka benhlelo zethu (https://auderenow.org/security), silakho futhi okokuhlola ukuthi inhlelo zethu zibuthakathaka kanganani sisebenziza izikhali ezihlala zikhona ku codebase yethu eziphanga zibone ingozi ezintsha zihle sizilungisise.
Ukusebenzelana labanye abamaqembu azimele wodwa. Esisebenzisana labo bonke kungakhathalekile ukuthi kungaphi kumele benze njalo bagcine izinto ngendlela eyamukelwa yisikali esibekwe ngama industry ukuqhuba umsebenzi, ukwenza, lobunye ubugcitshi bokugcina imfihlo ukuze ulwazi lwabantu luhlale luphephile.
Ukugcinwa kwolwazi. Asisoze sigcine ulwazi lomuntu nxa kungasadingeki sikhangele injongo enze saqoqa ulwazi oluthile kumbe lwacutshungulwa, kodwa singagcina ulwazi sisenzela lapho sesikhangela okwedluleyo, amanani ezinto, lokwenza uxwayisiso kusiya ngokuthi senelisisle yini ukufaka imizamo yokuvimba ukuthi ulwazi lolu lungasetshenziswa ukwenza ezinye izinto.

Umthwalo wakho. I Audere ayenelisi ukugcina luphephile ulwazi ngawe oyabe ulwabele abanye wedwa kumbe osicele ukuthi silwabele abanye.

6. Ukugcinwa kolwazi lwabantwana

Siyananzelela Isidingo sokuvikela abantwana sikhangele umhlaba lo olabantu asebehlezi bethintana emoyeni njalo sizimisele ukugcina imfihlakalo yabantwana labadala. Inhlelo ze Audere azenzelwanga, njalo akumelanga zibe ngezihuga, kumbe ezivele ziqondiswe ebantwaneni abaleminyaka engaphansi kwe 16 abangatholanga imvumo ngaphambilini evela kubazali babo kumbe labo ababagcinileyo ukuthi benelise ukusebenzisa I solution. Asisoze siqoqe ulwazi oluvela emtwaneni oleminyaka engaphansi kwe 16 ngabomo ongazange athole imvumo evela emzalini wakhe kumbe lowo omgcinileyo ukuze enelise ukusebenzisa I solution yethu. Siyacela ukuthi abantwana (lapha, sitsho abangaphansi kweminyaka engu 16) bangasebenzisi inhlelo ze Audere nxa imvumo evela kumzali kumbe lowo omgcinileyo ingatholakala kungakhathalekile ukuthi isizatho sakhona yisiphi. Nxa umtwana oleminyaka engaphansi kwe 16 esesiphe ulwazi, umzali kumbe lowo ogcine umtwana lowo ngokusemthethweni angaxhumana lathi acele ukuthi sicitshe ulwazi lolo kuma rekodi ethu. Ngaphandle nxa kukhona osazisileyo ngokubhala phansi, siphoqelwe ukucabanga ukuthi ulwazi lonke esilunikwayo luvela ebantwini abaleminyaka engaphezu kwe 16, kumbe nxa osipha ulwazi eleminyaka engaphansi kwe 16 uthole imvumo yokwenza lokho ivela kumzali wakhe kumbe lowo omgcinileyo ngokusemthethweni. Nxa ufisa ukwelatshwa wena uleminyaka engaphansi kwe 18 umthetho udinga ukuthi ube ungumuntu osekhulile engqondweni, ulengqondo ezenelisa ukuzwisisa inzuzo, ingozi, lokunye, sikhangele ubudlelwano, okungadalwa yikwelatshwa kwakho. Nxa ungelaqiniso lenzuzo, ingozi kumbe okunye, sikhangele ubudlelwano, okungadalwa yikwelatshwa ofisa ukukwenziwa kumele ubuze futhi ucele imvumo emzalini kumbe kulowo okugcinileyo.

7. Ama website axhunyanisiweyo

Singenelisa ukuveza ama link ukuthi uxhumane labanye abenhlanganiso ezingadlelani lathi. Inhlanganiso lezi ezilama website lawa awamaqembu azimele wodwa asiziphi ulwazi lwakho. Asicubunguli, futhi asiphi isiqiniseko sokuvumelana labo, njalo indlela abagcina ngayo imfihlo yabo akukho emandleni ethu. Siyakukhuthaza ukuthi ubale imithetho yabo yokugcinwa kwemfihlo ekuwo wonke ama website owavakatshelayo. Umutsho lowu wokugcinwa kwemfihlakalo ukhuluma uqonde kuphela ulwazi oluqoqwe yithi lalabo abapha inhlelo bemele thina.

8. Ukusetshenziswa okungekho emthethweni

Uyalelwa ukusebenzisa inhlelo kumbe lokho ezikumumetheyo: (a) ukwenza loba yini engekho esemthethweni; (b) Ukuhuga abanye ukuthi benze kumbe bahlanganyele kuloba yini engekho emthethweni; (c) ukwephula umthetho, izimiso, iziqondiso loba yiziphi ezesigabeni, eze province yakho, ezelizwe kumbe ezomhlaba jikelele; (d) Ukuphazamisa kumbe ukuphambanisa amalungelo ethu olwazi (intellectual property rights) kumbe amalungelo olwazi abanye abantu; (e) Ukuhlukumeza, ukuthethisa, ukulimaza, ukuqambela amanga, ukunyeya, ukweyisa, ukwethusa kumbe ukubandlulula ngobulili, kumbe imizwa yezocansi, ukholo, ukuthi ungumhlobo bani, ungowaluphi usendo, iminyaka, ilizwe ozalelwe khona kumbe ukukhubazeka; (f) Ukuhambisa ulwazi lwamanga kumbe oluphazamisayo (g) ukufaka kumbe ukuhambisa ama vayirasi kumbe ezinye inombolo ezilengozi ezingasetshenziswa kumbe ezizasetshenziswa ukuphakamisa ukusebenza kuhle kohlelo; (h) ukuqoqa kumbe ukulandelela ulwazi lwabanye; (i) ukwenza loba yikuphi kukhu okungavunyelwayo (spam, phish, pharm, pretext, spider, crawl, or scrape;) (j) ukwenza okunye okuyangisayo kumbe okungaphandle kwesiko lethu; (k) Ukusebenzisa ngendlela kumbe ukwenza okunye okudala ukuthi ku site kucine sokulento ezinengi kakhulu ezingadingekiyo; (l) ngendlela ephazamisa noma ngayiphi indlela ukuthi isebenze ngendlela okumele isebenze ngayo, kumbe elulaza lokho esikufake ukwenzela ukuthi inhlelo zethu zibe ngeziphephileyo. Silalo ilungelo lokumisa ukusebenzisa kwakho inhlelo zethu nxa ungenza loba yikuphi kulokhu okungavunyelwayo.

9. Amalungelo akho

Ulamalungelo alandelayo:

Ukuthi ulwazi ngawe lucutshungulwe ngendlela esemthethweni: Sizacubungula kuphela ulwazi ngawe ngesizatho esisemthethweni njalo ngendlela elungileyo engaphazamisi imfihlo yakho.

Ukwenelisa ukufinyelela ulwazi: Ulalo ilungelo lokucela ukuthi sikunike I copy yolwazi esilalo ngawe. Ukwenza lokhu, xhumana lathi ku privacy@auderenow.org ucacise ukuthi ufuna luphi ulwazi. Sizacela isithupha sakho ukuze sibe lesiqiniseko sokuthi nguwe singakakhuphi ulwazi ngawe.

Sicela unanzelele ukuthi ukucela ukungeniswa okwaloluhlobo sokungadinga ukuthi ubhadale imali ethile evumelekileyo ngomthetho

Ukulungisiswa kolwazi lwakho: Ulayo imvumo yokusicela ukuthi sengezelele, silungise kumbe sicitshe ulwazi lwakho. Sizacela isithupha sakho ukuze sibelesiqiniseko sokuthi nguwe singakenzi inguquko kulwazi lwakho esingabe silugcinile. Siyabonga kakhulu nxa ungagcina ulwazi lwakho lungolweqiniso.

Ukucitshwa kolwazi lwakho: Ulelungelo lokucitshwa kolwazi lwakho (“ilungelo lokuthi sikukhohlwe”) nxa ulwazi lolu lungasadingeki sikhangele isizatho esenze ukucutshungulwa kuqaliswe, kumbe nxa osebenzisa inhlelo engakhipha isivumelwano sakhe kungasela esinye isizatho kumbe okungenza kudingeke ukuthi sigcine ulwazi lwakho lolu, kumbe, osebenzisa inhlelo eyalile ukuthi ulwazi lolu lucutshungulwe kungasela sizatho esibambekayo sokuthi ulwazi lomuntu lolu lucutshungulwe.

Ukuvinjelwa kolwazi lwakho: Ulelungelo lokuvikela/ kumbe ukumisa ukucutshungulwa kolwazi lwakho ukwenzela ukuthi kwenziwe kuphela lapho kudingeka ukuze senelise ukwenza inhlelo zethu kuwe.

Izikhalazo: Ulelungelo nxa kuyikuthi sephule umthetho wokugcinwa kwemfihlakalo lo, ukuhambisa isikhalazo sakho kulabo ababona ngendaba zokuvikelwa kwe data lapho ohlala khona.

Ukukhipha isivumelwano: Ulemvumo yokukhipha isivumelwano sakho loma yisiphi isikhathi, nxa ukucutshungulwa kolwazi lwakho lweyame kusivumelwano. Ukucutshungulwa ngokusemthethweni kolwazi lwakho ungakakhiphi isivumelwano lesi akusoze kuphazamiseke;

Ukwala: Ulemvumo yokwala ukucutshungulwa kolwazi lwakho, nxa ukucutshungulwa lokhu kweyame ekuthakazeleni okusemthethweni; njalo

Ukuthengisa: Ulemvumo yokwala ukucutshungulwa kolwazi lwakho nxa lufuna ukusetshenziswa ukuthengisa kumbe ukuthenga.

Amalungelo achasiswe phezulu lapha asengangangasebenzi ngokugcweleyo kusiya ngemithetho yakuleyondawo. Okunye, amalungela akho okufinyelela kumbe ukucitsha awaphelelanga ngakho sokungenzeka ukuthi ungabi lawo nxa kuyikuthi ukusebenzisa kwakho amalungelo wonalawo kungenza okulandelayo:

Kuphazamise ukuqhutshwa kumbe ukwenziwa komthetho othile kumbe amalungelo sikhangele ezomthetho (njenganxa kuyikuthi kulokuhlolisiwa thize kumbe kunanzelelwa ukuthi kulokufuna ukubhadalwa ngokusemthethweni kumbe ukuthonisiswa okusemthethweni);
kungaphazamisa kumbe kululaze amalungelo emfihlakalo kumbe ukuphepha kwabanye abantu;
Kungalulaza ukuphepha kumbe ukuhlolisiswa kwezikhalazo zabanye, ezinye inhlanganiso, ikusasa, kumbe ukuzama ukuzwanana lamanye amaqembu azimele wodwa, ukwenza njengokulaya kwemithetho yansuku zonke sikhangele ezomnotho lokuphathwa kuhle kwemali; kumbe
Kungaphazamisa ngezinye indlela lokho okuthakazelelwa ngabanye abantu kumbe nxa isisindo lentengo yokuvumela ukungena kwakho kungalingani

Izikhalazo. Nxa ukholwa ukuthi siphazamise amalungelo akho, siyakukhuthaza ukuthi uxhumane lathi, ukuze senelise ukulungisisa isikhalazo sakho kumbe ukungazwisisani lokhu ngendlela eqondileyo.

10. Ukuthengisa (Direct marketing)

I Audere ayivezi ulwazi oluqondane lawe ngqo kwabanye abamaqembu azimele wodwa ukuze bathengise inhlelo zabo.

11. Ukukhululwa

Uyavuma ukukhulula, ukuvikela lokungafakicala I Audere lalabo abangaphansi kwethu, esisebenzisana labo, izisebenzi zethu, ama directors, ama agents ethu, labo esibaphe umsebenzi, labo abasipha imvumo yokusebenza, abapha inhlelo, abasincedisa ukupha inhlelo, ama Intern lalabo esibaqhatshileyo, ungabethesi cala kumbe udinge ukubhadalwa yibo, kugoqela imali zokubhadala amagqwetha okwenziwe ngabanye abamaqembu azimele wodwa ngenxa yokwehluleka kwakho ukulandela imithetho yokugcinwa kwemfihlakalo, kumbe ukweqa kwakho omunye umthetho kumbe amalungelo abanye abantu.

12. Inguquko kumthetho yokugcinwa kwemfihlakalo

I Audere iyenelisa ukulungisisa imithetho yokugcinwa kwemfihlakalo le ukuveza mhlawumbe ukuguquka kwemithetho, inhlanganiso zethu, inhlelo zethu indlela esiqoqa ngayo idata lendlela esiyisebenzisa ngayo kumbe okunye ukuthuthuka kobungcitshi bethu (technology) Ukusebenzisa kwethu ulwazi esiluqoqayo kulandela iziqondiso zemithetho yokugcinwa kwemfihlakalo eqala ukusebenza ngesikhathi ulwazi lolu luqoqwa. Kusiyangokuthi yinguquko bani eyenzakalayo, sesingakwazisa ngenguquko le ngokuyifaka ephejini leyi kumbe ku email. Sicela ucubungule inguquko zonke ezenziwe kumithetho yokugcinwa kwemfihlakalo.

13. Okunye nje

Nxa sokuhumutshelwe kwezinye indimi, imithetho yokugcinwa kwemfihlakalo ebhalwe ngesikhiwa yiyo ezabe ihamba phambi kweminye.

14. Xhumana lathi

Nxa ulembuzo emayelana lomthetho wokugcinwa kwemfihlakalo, kumbe ufisa ukufaka isikhalazo, sicela usithumele I email ku privacy@auderenow.org.

Effective date: November 2024